பசி

வியர்வையில் துணி நனைத்து

வயிற்றோடு ஒத்திஉலர்த்திய

காலத்தில் கனவென்பது

ஒருவேளை உணவென்பேன் !

விழும் பருக்கைகள் 

எனக்காக விழக்கூடாதா என்று 

வேடிக்கைபார்த்த வித்தியாச மனிதர்களில் 

அன்று நானும் ஒருவன் 

இரைக்காமல் சாப்பிடு என்று 

அம்மா சொல்வதில் 

என் பசி அடங்கிவிடும் , 

எதுவும் மிச்சமில்லை எனக்காக !

எச்சில் இலை என்று எட்டிஎரிவதை 

எச்சிலூற உண்ணும் 

ஏகோபித்திய மாக்களில் ஒருவன் 

உடுத்திய துணியில் மிடுக்கைபார்த்து 

படுத்த இடத்தில் வீட்டை பார்த்து , 

சாப்பிட்டாயா கேள்வியாய் கேட்டு 

சந்தித்த மனிதர்கள் கைகுலுக்கி 

சற்றே பார்த்தால் !ஆன காலம் 

வீட்டை பிரிந்து விலாசம் தொலைந்து 

விண்ணே அடைக்கலமாய் 

வீணே அலையும் 

எவருக்கும் பொருந்தும் 

எனக்கும் சமர்ப்பணம் !